Sawrkar hnathawk Group/Category hrang hranga then dan leh an Pay Level (Pay Scale)

            Tun hnaia kan hriat leh kan tawn tam ber chu sawrkar hna vang tih leh sawrkar hna indaih lo tih hi a ni awm e. Peon/Clerk hna ruak advertisement a awmin Graduates leh Post Graduates sang telin an apply thin a; tin, Engineers leh P.HD holders meuh lehkhathiam tak takten SBI clerk leh Bank PO te an apply thin bawk a. Hei hian a lantir chu kan thiamna mil sawrkar hna a vang tih hi a ni awm e. Hengte avang hian mi tam takin Sawrkar hna grade/group leh hna san zawngte pawh kan hriat pawlh nuk tawh maithei.

            Tun tum kan video tihchhuah turah hian Sawrkar hnathawkte dinhmun, an group level leh pay scale thenkhat kan en ho leh dawn a ni.

                   Group - D and C : 7th CPC Pay Levels 1 - 5

2.                        Group - B : 7th CPC Pay Level  6-9 (Non Gazetted)

3.                        Group - A : 7th CPC Pay Level 10 - 12 (Gazetted)

4.                        Group - A : 7th CPC Pay Levels 13 -14 (Senior Level)

5.                        HAG : 7th CPC Pay Levels 15-18

Group D Employees:

Sawrkar hnathawk Group D  kan tihte chu a hniam berte an ni a, 6^th Pay Commission -ah khan an pay scale chu Rs. 5200-20200 grade pay Rs. 1800 chinte an ni a. Heng Driver, Peon, Cleaner, Mali, Guard, Barber, Cook etc. kan tihteho hi Group D te chu an ni.

Group C Employees:

Sawrkar hnathawk rau rauah chuan ground level bikah Group C ho hi an tam ber a, supportive leh non-supportive jobs a ni ber a. Group C chin hi chuan Administrative Positions pawimawh an chang ngai lo tlangpui bawk. Tin, Group C employees te hi level sang zawkah inpromote thei tura lak an ni thin a. SSC (Staff Selection Commissions) kan tihho hian sawrkar hna group C ho hi an la thin. 6^th Pay Commissions -ah khan Group C chin hian Pay band Rs. 5200-20200 Grade pay Rs. 1800 atanga Rs. 2800 inkar a ni. 7^th pay ah chuan Group D leh group C te hi Pay band level 1-5 inkara dah an ni. An basic pay chu Rs. 18000 atanga Rs. 29200 vel a ni. Heng Clerks, Multi tasking staff, Stenographers, Assistants, Technicians, Mechanic, Attendants, lineman, Drivers, Electricians, Supervisors, cashiers, store keeper, Chemist, Sanitary Inspectors, etc kan tih ang chite hi Group C ho an ni.

Group B Employees:

Sawrkar hnathawkhoah Executive Jobs bikah chuan Group B ho hi an tam ber a. Group B Sawrkar hnathawkho zingah hian Gazetted leh Non-Gazetted an awm a. Gazetted leh Non-Gazetted danglamna ber chu Sawrkar seal neia hmang pha chin ti ila, a fiah mai awm e. Gazetted officers ho chuan Administrative role an chang thin bawk. Group B hnaruak pawh hi Group C ang thoin SSC ho hian an recruit tlangpui a; tin, UPSC leh State Public Service Commissions pawhin a la thin tho bawk. Group C Promotions atanga tling chho an awm bawk.

Kan sawi tawh angin Group B Post ruak thenkhatte hi chu Gazetted post a ni thin a, an thuneihna pawh Group A Gazetted teho nen a thuhmun a ni. 6^th pay commissions -ah khan Group B Non Gazetted chin hian Pay band Rs. 9300 – 34800 grade pay Rs. 4200-Rs. 5400 an nei a, Gazetted chin chuan  Rs 15,600 to Rs 39,100 an nei thung. 7^th pay commissions -ah chuan an pay band hi level 6-9 inkarah an awm a ni. A tlangpuiin Group B Non Gazetted ho Basic pay chu Rs. 34500 atanga Rs. 53100 vel a ni. Gazetted chin chuan Rs 56,100 to Rs 78,800 an hlawh thung a ni. Heng Sub Inspectors, Inspector, JEs, TGT lehPGT School teachers, Programmers, Technicians, Staff nurse, Translators, Jr. Officers, Technical Assistants, Physiotherapists, accountants, accounts officer, instructors, Section officers, Counsellors, etc ang chi te hi Group B hote chu an ni.

Group A Employees:

Group A chin hi Officer grade/officer chinte chu an ni a. Group A rank hi sawrkar hnaah chuan hna sang ber leh thuneihna sang ber chelhtute an ni. Heng Indian Armed forces IAF/Navy/army Commissioned officers, AIS Officers (All India Services), Engineers, Bureaucrats, Scientists DRDO, ISRO, CSIR, BARC leh Central India Civil Services (IAS, IRS, IPS, IFS,IRS, IRTS)

6^th pay -ah khan Group A Officers chinte pay band chu Rs. 15600-39100 grade pay Rs. 5400 to 7600 a ni a; tin, Pay band Rs. 37400-67000 grade pay Rs. 8700 to 10000 te pawh an awm bawk a ni. 7^th pay commissions atang chuan Group A Officers chin chuan pay level 10-14 an hlawh a, Group A Officer Gazetted chuan Level 10-12 atangin an tan a; Senior chinah level 13-14 an hlawh leh a. promotion azirin HAG (Higher Administrative Grade = level 15-18) inkar pay an la thei bawk a ni.

            Video lehpekah chuan 7^th pay commissions matrix pay scale leh salary hrang hrang zir chian kan tum leh dawn nia.