SBI ONLINE BANKING SIAM DAN AWLSAM

- Kamliana Lhouvum

       "Mi tam tak tan thil har ni lo mah se, mi thenkhat tan thil thar a ni thung si"

        Tunlaiah Online Banking hi a lar em em mai a, Sumdawng, Zirlai, Sawrkar hnathawk leh mimir tan pawh online hmanga thil tih hi a awlsam mai bakah a pawimawh chho zel tawh.

Sumdawngte'n Online hmangin bungrua an chahte cash-a pe loin online Banking hmangin awlsam takin an order zung zung a; zirlaite leh mimir te pawhin online-a thil chah leh application form fill up changa pawisa pek nan a tangkai hle bawk — Online banking thiam lote kan chep tulh tulh ti ila, kan sawi sual tam lo ang. Chuvangin, Online Banking siam dan hriat hi a pawimawh a ni.

Note: Bank azirin a process a dang hret mai thei a; mahse, a tih dan hi a inzul vek tho. Tun tum chu SBI online Banking siam dan i zir ho ang u.

Account siam dan tlangpuite:-

1. Account I hawnna SBI Bank-ah i kal ang a, SBI Online Banking Registration form i la chhuak ang.

Pic: Registration form

2. A chunga thlalaka mi ang hian:-

A) Name of Customer( Eg. Lalnunsiama Tochhong)

B) Mobile number(eg. 8134909090)

C) Email Id.(eg. Nunsiama19@gmail.com)

D) Date of Birth(12/05/1990)

E) SBI Bank Account number te I fill up ang.(200276989393)

Note: Name of customer I fill up hian hming leh hnam hming inkarah hian gap(box) pakhat dah awl tur a ni.

3. Bank thawktute hnenah i submit ang.

4. Envelope an lo pe ang che a; envelope chhungah chuan 1) Username (eg. l6rt78) 2. Password (eg. Munr4ge66f) a lo awm ang.

5. Google atangin "Sbi Online" tih I type ang a; Personal banking option-ah i lut leh ang, chutah chuan LOGIN "Username" leh "Password" te i chhu lut ang.

a) "Continue to login" option-ah click tur.

b) "Username leh Password" chhut luh tur.

6. Tichuan, I account-ah i lut thei ta a; i account-a balance neih zat te, transactions, transfer leh payment, etc link/option te hmu ang a. I mamawh dan ang zelin i khawih tawh mai dawn a ni.

Chhiartute'n kan hlawkpui ngei ka beisei a. Hemi chungchanga hriat thiam loh nei leh zawh belh duh neite tan—

Mobile no : 8131934113(WhatsApp no) -ah emaw,

Email id: lelenlv.lhouvum11@gmail.com -ah emaw zawh fiah theih a ni e.

Tin, a hnuaiah hian a comment theih bawk e.