ONLINE ATANGA AWLSAM TAKA PAN CARD SIAM DAN CHI 3 TE
1. E-KYC (paperless) mode hmangin:
Hemi mode atanga
apply tur chuan Adhar Card leh mobile number link thlap a ngai a. Post-in emaw,
website-ah emaw document thawn/upload a ngai lo a, darkar 2/1 hnuah kan
email-ah PAN Card Number leh PAN Card Pdf file-a download theihin kan dawng
nghal; mahse, PAN Card kan dawnah khan signature sign sa-in awm lo a, sign
chawp a ngai. Apply man Rs. 106/- kan seng. Urgent thilah a tangkai hle.
A tih dan video kimchang en duh tan link: https://www.youtube.com/watch?v=haaT2gXrCNY
2. E-SIGN mode hmangin (Submit/upload documents
through e-sign):
Hemi mode-ah hi chuan kan document-te PAN Card online-a kan
apply-na website-ah upload/submit a ngai a. Adhar card, Passport photo leh
Signature (recommended size) siam lawk a, upload a ngai a ni. Email-ah PAN Card
kan dawng lo ang a, ni 15-30 chhungin Post atangin PAN Card kan dawng ang.
Chumi PAN Card-ah chuan signature a rawn indah thlap ang. Urgent thilah chuan
hemi mode hi apply chi vak loh maithei. Rs. 127/- kan seng a ni.
A tih dan video kimchang en duh tan link: https://www.youtube.com/watch?v=zF1seyuizQk
3. PHYSICAL MODE hmangin (Send documents through/by
post):
Hemi mode atanga online-a PAN Card apply tur chuan Adhar card a ngai
kher lo a; tin, hming bula (initials) hming kaihtawi (V. Mawipuia, CF Thanga, K.
Nundanga, etc) dahho tan hemi mode hi a pawimawh lehzual. Document ID proof
atan Voter ID, Birth Certificate, Driving license, etc a hman theih a, chung
docs te leh application form te chu Post hmangin khutah center lamah thawn
thlak tur a ni. Ni 15-30 chhungin Post atangin PAN Card kan dawng thei tura ngaih
a ni. Rs. 110/- kan seng a ni.
0 Comments