- Kamliana
No Queue apps hi SBI Account neite tan thil pawimawh tak mai a ni
a; tun hnaiah bank dawrtu kan thathnem chhoh tak avang leh customer hrim hrim
pawh kan pun chhoh zel tak avangin, Bank dawr ringawt pawh nileng hna a ni ta
zel mai.
Chutianga hmanhmawh thil thua bank dawr a, rei deuh va intlar te,
dawrtu thahnem lutuk vanga intlar rei te leh hna dang thawk hman lek loa token
la tura intlar te kan pumpelh duh a nih chuan SBI NO QUEUE apps hmang la, i
harsatna tam tak a sukiang ngei ang le!
Online-a Token book dan leh SBI NO QUEUE apps neih dan tur
kimchang takin i lo zir ho ang u.
Note: A
tawp lamah chipchiar taka sawi fiahna youtube video link dah tel a ni a; tin,
kimchang taka blog lama a lem nena sawi fiahna link dah tel a ni bawk a, in lo
hman tangkai theuh ka beisei.
A. SBI NO QUEUE neih dan tur:
1. Playstore/Google play atangin SBI NOQUEUE i search ang a, i
download/install ang.
2. "Open" tih opion kha i click ang.
3. Language select tur a lo awm ang a; English i select ang.
4. My name, Mobile Number leh Home branch fill up tur a lo awm leh
ang a;i hming, mobile number leh Home branch te i fill up ang. (Home branch
bikah hian select tur a awm ang, a lema entir ang hian)
5. Chumi hnuah “Sign up” i click leh ang.
6. Tichuan, SBI NOQUEUE apps chu i sign up fel ta a, bank-ah kalin
i duh duh hunah i hmang thei tawh dawn a ni.
B. NOQUEUE hmanga Token book
dan:
Note: NoQueue app hmang tur chuan internet a
that a ngai a, Internet that lohnah chuan awmzia a awm tak tak lo a ni.
1. I phone-a NoQueue app i click ang.
2. Nghak hret la, select service tih option
hnuaiah Option hrang hrang a lo awm ang. I mamawh leh i tih duh azirin option i
select mai dawn nia.
3. Tun tumah chuan pawisa deposit turin ka
kal a, ka pawisa deposit tur hi Rs. 49900 aia tam lo a nih avangin, Cash Deposit
below Rs. 49900 tih option ka select ang. (Withdraw, transfer, deposit, etc
option hrang hrang i mamawh dan azirin i select mai dawn nia.)
4. Cash Deposit below Rs. 49900 tih option
select zawh hnuah Next i click leh ang.
5. Home branch or Nearest SBI Branch (Pawisa
i deposit-na bank hming) a lo lang ang, chutah chuan kan home branch Kolasib
SBI branch ka search ang a, option a lo lang ang.
6. Tap for details kan click chuan bank
details a lo lang ang, Book ticket tih option kan click chuan Token kan book
tihna a ni dawn a ni.
7. Token kan book duh avangin Book tih kan
click ang.
8. Swipe up tih option a lo lang leh ang,
chung lamah kan swipe chho ang.
9. Tichuan, bank lamin online-in kan token
chu an rawn approve ang.
10. Activated tih a rawn lan hunah kan token
chu kan hmang thei tihna a ni. Token-ah hian kan token number a awm a, kan
number a thlen hunah pawisa kan deposit thei dawn tihna a ni.
0 Comments