ATM CARD LEH PASSBOOK HMANGA SBI INTERNET BANKING SIAM DAN AWLSAM (BANK KAL NGAI LOVIN)

Post hmasa lamah khan Internet banking, mahni in lum atanga online hmanga siam dan kan zir ho tawh a. Kha method-ah khan Temporary Username leh password (Pre-printed Kit) la chhuak tur leh form theh lut turin bank-ah kan kal hmasa phawt a nih kha!

Tun tumah chuan bank kal ngai miah loin, ATM card leh Passbook kan neih phawt chuan mahni in atangin Online-in SBI Internet banking kan siam dawn a ni.

Note: Kimchang zawk leh a lem nen thlapa chhiar duh tan a tawpa blog link dahah emaw, youtube video link (Mizo tawnga sawi fiahna) pekah khuan i click mai dawn nia!

Steps:

1. Google chrome-ah i lut ang a,  Onlinesbi.com i type ang.

2. New user registration -ah i click ang. Note: Login option click loh tur a ni.

3. Pop-up screen a lo awm ang, i OK ang.

4. ATM Card details leh Passbook hmangin dah khah turte i dah khat ang a, i fill up vek ang.

5. I submit leh ang a. Option 2 a lo awm ang.

6. Option 1: ATM Card hmanga bank kal loa siamna

                2: ATM nei lote tan bank-a activate-tir tur

7. Option no 1 i select ang, submit i click leh ang

8. Tichuan, a lema entir ang hian ATM details heng- Card number, card holder's name, Validity, etc i fill up vek ang.

9. I submit ang a, i registered mobile number-ah OTP i dawng ang.

10. OTP i chhu lut ang. Tichuan, i submit leh ang.

11. Temporary username, a lema entir ang hian i dawng ang. Tin, screen-ah a lo lang bawk ang.

12. Tichuan, password chhut luh tur a lo awm ang a, password i hman tur i chhu lut ang.

Note: Password hi word 8 atanga 20 inkar a ni tur a ni a, alphabet, number leh special character a inchawhpawlh vek tur a ni. Entirna: Mawia@1997

13. Submit i hmet ang. Tichuan, registration successful tih i dawng ang.

14. I username leh password chhut luh kha chhinchhiah la.

15. Onlinesbi.com -ah lut leh la, tunah chuan Login option kan click ve thung ang a(Username leh password kan neih tawh avangin), Temporary username leh password i chhu lut ang.

16. Tichuan, i internet banking account-ah i lut thei ta, i username leh password te hi i duh hun hunah i thlak thei tawh ang.

17. Kan siam zo ta, Tunah chuan Internet banking i khawih thei ta.

Note: 

1. Banking lama video chi hrang hrang leh hriat tur pawimawh tam tak hemi blog-ah hian ziah a ni a, hriat duh i neih chuan post awm tawh sa hi i lo zawng mai dawn nia.

2. Video tutorial chiang tak leh fiah taka en duh tan (La subscribe lote tan hetah subscribe theih:https://www.youtube.com/c/KaULiana?sub_confirmation=1

) Kamliana youtube channel i lo subscribe dawn nia.