LEADERSHIP - By Rev. R. Lalparvula

Leadership

                                                           Rev. R. Lalparvula

Diakkawn Bialtu pastor

Inhruaina fing a awm lohnaah chuan mite an tlu \hin a, remruat thiam tamnaah chuan himna a awm. Thufingte 11: 14

Pathian hnam thlan Israel-te tlukna \hin chu mipuite ni loin hruaitute bawhchhiatna vangin an tlu \hin; ramin a tuar phah \hin a ni. Chuti ang chiah chuan tun hun—Kohhran hunah pawh mipuite bawhchhiatna ni loin hruaitute(Leaders) bawhchhiatna avangin Kohhran hi a tluchhiain a kal sual thei a ni. Chuvangin, Kohhran hruaitu ni tur chuan hruaitu nihna(Leadership) kan hriat chian a \ul a, a pawimawh em em a ni.

Leadership: Hruaitu nihna tih awmzia chu hnehna— mite thil ti tura va hnehna, hruai theihna hi a ni; hei hi pianpui finna, hruaitu nihna Pathianin a pek bikte an awm a ni. Sakhua, pawlhoah leh khawvel sawrkarah pawh leadership nei \ha an pawimawh. Miin tumruhna leh zir thiamna a\angin leadership \ha a nei \hin. Tin, pawlhoin an ruat avanga hruaitu nihna chang mai hi tam tak an awm bawk; chung mite chuan nasa taka leadership hi an zir a, an beih a ngai a ni. Hruaitu ni si, mi hruai theihna nei si lo nih hian a tawpa chhiatna a thleng \hin. Kohhran pawlho leh khawvela pawl chi hrang hrang hote hi an pawl hlawhtlinna leh hmasawnna chu hruaitu nihna(Leadership)-ah a innghat. Tuna kan zir ho tur pawh hi PYD hruaitute leh member-te’n mahni mawhphurhna zawn \heuhah hruaitu nihna a pawimawhna a ni dawn a ni.

Hruaitu nihna leh mawhphurhna(Responsibility):

Khawvel mihringte hi a huho leh pawlhoa khawsaa cheng za tur kan ni a. Chuti ang ni loa mihring a mal tlat chuan mihring nihna a hloh \hin tihna a ni. Chuvangin, mihringte hi kan nihna  ang taka khawsaa nung chhuak tur chuan mi dangte nen khawsak ho a ngai a ni.

A. Hruaitu nihna:

1. Rinna nghet: PYD hruaitute chu Pathian ring tlat , amaha innghat tlat mi, rinnaa puitling a ni tur a ni. Hruaitu ber rinnaa a ngheh loh chuan a hruai member-ate tan a a buaithlak ngawt ang le!. Zirtirna dik leh dik lo thliar thiama kohhran thurin leh inkaihhruaina hre chianga ding nghet mi a ni tur a ni.

2.Pathian mi: |awng\aina hi ringtute ralthuam pawimawh tak a ni a, hruaitu chu hmun fianriala \awng\aia Pathian pawl \hin mi a nih a pawimawh. John Fletcher-a chuan, “ vawiin chu tih tur ka ngah em mai, darkar khat tal ka \awng\ai loh chuan ka tih tur ka ti zo hman lo ang,” a ti a ni. |awng\aia Pathian pawl bakah hian Bible chhiara Pathian pawlna neih \hin hi hruaitu chuan a ngaihpawimawh tur a ni. Thlarau ngunhnam- Pathian thu hi kan hriat a, a taka kan hman theih nan kan chhiar taimak a ngai a ni.

3. Thawhpui nuam mi: Mihring hi mize hrang hrang nei kan  ni a; chuvangin, kan thawhpui apiangte thawhpui thei mi nih a \ul. Mahni rilru milpui leh tui zawng chauh ni loin kan thawhpui tur apiangte thawhpui thei mi nih a \ul.

4. Inzir mi: Hruaitu chu hmasawn zel leh inzira \hang zel mi nih a ngai. Khawvel \hang zela rawngbawl kan nih avangin rawngbawl dan leh tih dan thar chher chhuah a \ul châng a awm fo \hin. “Kei zawng ka mawl em mai” tih ngawt chi a ni lo; chuvangin, thiamna te leh finna te ngaisang chunga Isua chanchin \ha nen inmila rawngbawl thiam mi nih a \ul a ni.

5. Mi nelawm:  Mi dangte’n an pawh theih tura nelawm taka awm thiam a \ul. Mi hnungtawlh te, mi lian leh mi te, naupang thlengin an nel theih mi nih a \ul hle; chutih rual chuan, zahawmna bo \hak khawpa inneltir erawh a hlauhawm.

B. Hruaitu mawhphurna:

Khawvel ram hrang hrangah hian Hotu, roreltu leh hruaitu an awm zel a, khawvel thila hruaitute chu thunei taka hruaitu(Autocratic leader) leh intilal em em pawh lo ni se, a àwm thei viau; kohhran huang chhung hruaitu erawh chu hotu leh lal kan ni ngai lo tih hi hriat reng a pawimawh.

1. Hruaitu chuan Pathian koh chhan a hre chiang tur a ni: Hruaitu chuan pawlhovin an duh avang leh a tlin avang leh a \hat em avanga thlan tlin nia a inngaih vaih chuan Pathianin a koh chhan a hre chiang loin, amahah Pathian thiltum chu a tihlawhchham sa a ni. Hruaitu atana thlan tlinte hi an \hat vang leh tlin vanga thlan tlinte chu awm bawk mah se, a bul ber chu Pathianin member-te hmanga a koh vang chauh a ni. Chuvangin, hruaitu chu mite’n a rawng an bawlsak tur ni loin mite rawngbawlsaktu a ni tih a inhre reng tur a ni.

2. Hruaitu chuan pawl thiltum a hre chiang tur a ni.  Pawl reng reng hian thiltum leh din chhan a nei \hin a; hei hi hruaitu chuan a hre chiang tur a ni.Heng bakah hian thupui(Motto) te, hnathawh tur(Project) te a hre chiang tur a ni. Mahni intih-lansarh leh inchawimawi tumna lamah pawl thiltumte theihnghil hmak a awl hle; hruaitu chu hemi lakah hian a inveng tur a ni.

3. Hruaitu chuan Kohhran inkhawm leh hnatlang a ngaipawimawh tur a ni. Kohhran inkhawm hrang hrang a neihte a ngaipawimawh tur a ni; \hahnemngaia rawngbawl mi a ni tur a ni a, hnatlang leh kohhran thiltih chi hrang hrangah member-te aia hmahruaitu a ni tur a ni.

4. Hruaitu chuan hruaitu \ha a chher chhuak tur a ni. Hruaitu \ha chher chhuah hi hruaitu mawh lian tak a ni. Hruaitu \ha tehna pawimawh tak chu amah tel lo pawhin mi dang a thachhangdawltu—mi \ha a chher chhuak em tih hian i hruaitu, a hun laia hruaitu \ha tak anga lang pawh ni se, hruaitu \ha dang a chher chhuah loh chuan hruaitu hlawhchham kan ti thei hial awm e. Chuvangin, hruaitu dang chher chhuaka chanvo mi dangte kian thei tura rawngbawltu chher chhuah kan tum tur a ni.

5. Hruaitu chu a inen let \hin tur a ni: Hruaitu chuan  inen let nachang hriain a inen let fo tur a ni. Kan lo kal tawh danah hian kohhran leh mipui mit a kham em? Kan la kal dik zel em? Mi dangte kan hip em tihte kan inen let fo a \ul; tin, heng bakah hian chhungkua \heuhah mawhphurhna hlen chhuah a \ul.

6. Incheinaah: Incheina inthahdah lutuk emaw hi a mawi lo a, a àwm tâwka inchei hi a \ha. Hruaitu mawhphurhna hi a hriata hriat mai a tâwk lo a, tihlawhtling tura \an lak inzir zel hi a pawimawh a ni. Rawngbawlna hna thawk tur hian Pathian hian mi fing leh mi thiam ringawt a ko lo a; mi fing pawh mi a pawh Pathian koh chhan tihlawhtling tura inpete hi Pathianin a hmang mai zawk a ni. Pathianin min kohna tihlawhtling tura mahni inbuatsaih vena leh inphalna te a ngai a ni.