HRUAITU LEH AN NIHNA

Hruaitu(office bearer)

                                                               - Rev. R Lalparvula

1. Chairman:  Hei hi a khaipa ber a ni a. Committee \hut thu-ah hun a vawng dik tur a ni. A hun tak \an thei turin hun vawn dik a pawimawh. Member-te zai ngai taka thutlukna siam a \ha; thurel a khawikhawm thiam tur a ni. Ama ngaih dan tundin tlat a tum tur a ni lo. Vice Chairman a a dah pawimawh thiam tur a ni a; a remchan dan anga chanvo pawh insem \hin a \ha.

2.Vice Chairman: Chairman thlawptu thurawn petu leh Chairman awm lohin emaw, chairman nen inremsiamin emaw committee a kaihruai \hin ang.

3.Secretary: Committee thurel bawh zuitu ber a ni a. Secretary fel lo hian pawl chak leh chak loh a hril hle a ni. Committee thu ziaktu a nih angin Agenda relnaah sawi ve vak a mawi lo. Thu puan chhuah \ulah \awngkam uluk a \ha.Hnatlang, khawmpui leh \hahnemngaih thilah puan thiam leh thiam loh azirin mi a tiphùrin a tiphûr lo thei. Committee koh thu-ah Chairman nen inberawnin a ko \hin tur a ni.

4. Assistant Secretary: Secretary thachhang dawltu leh \anpuitu a ni a; Secretary awm loh lain a ai a aw hang.

5.Treasurer: Pawl sum enkawltu leh vawngtu a nih avangin rinawm leh chengvawng takin sum a vawng tur a ni. Financial Secretary kal tlangin sum a dawngin a pe chhuak \hin ang. Sum hmuh leh hmanna ziahna bu(Cash Book)-ah ziakin eng lai pawha audit theih turin sum a vawng tur a ni.

6. Financial Secretary: Pawl sum lut zawng zawng a lo dawng hmasa ang a, sum hmuhna leh hmanna felt akin a chhinchhiah ang. Chumi hnuah Treasurer hnenah a hlan ang.

HRUAITU NIHNAAH:

1. Sawiselna: Thil \ha ngaihtuah chhuah leh ruahman thiam hi a harsa hle a; sawisel erawh a awlsam hle thung. Chuvangin, kan thil ruahmante sawisel tum hrim hrim an awm tih hriat tur a ni. Amaherawhchu, mi sawiselna chu palzam mai tur tihna a ni chuang lo; ngun taka ngaihtuah a, sawisel àwm rêng a nih chuan mahni insiam \hat nan hman thiam a \ha. Phunchiar vang mai maia sawisel a nih chuan huaisen taka kal tlangpui thiam a pawimawh a ni; mi sawisel avanga rorel tawh tihdanglam zung zung hi chin loh tur a ni.

2. Tumruhna: Ruahman lawkna leh tum fel tak awm mah se, tumruhna a awm si loh chuan i beidawng thuai ang. Vawi khat hlawhchham pawhin beih nawn leh \hin te, kawng \ha dang zawn leh \hin te hi  hlawhtlinna a ni. “ Vawi hnih peih loh an fail fan”  tih a nih kha; chuvangin,  rilru mumal nei loa pawl  hruai ringawt hian hlawhtlinna a thlen ngai lo; hlawhtling turin tumruhna nen beih fan fan tur a ni.

3. Taimakna: Hruaitu thatchhia a hlawhtlin theih loh. Hruaitu \ha leh hlawhtling ni tur chuan kawng hrang hranga mi taima nih a ngai. Thil tihna kawng hrang hrangah member-te aia thawk tlem nih ai chuan thawk tam ber leh hmahruaitu nih zel hi hruaitu \ha nihna a ni.

4. Rinawmna: Hruaitu chu a rinawm tur a ni. Hruaitu rinawm lo chuan zuitu a nei ngai lo; tin, zui tlakah miin an ngai thei lo. Sum leh paiah ngat phei chuan rinawm a pawimawh hle; suma rinawm loh chuan thil dangah pawh tu mahin an ring tawh ngai lo.

5. Thurawn dawngsawng thiam: Thurawn reng reng hawihhawm taka lo dawnsawn thiam hi hruaitu tih ngei ngei tur a ni. Thurawn ngaipawimawh lo mi chuan tlukchhiat a hnaih hret hret a, a tawpah chuan harsatna leh buaina a lo thleng \hin.