ATM PIN THLÂK DÀN AWLSAM (SBI ONLINE BANKING HMANGIN)

- Kamliana Lhouvum

1 Google-ah Sbi online banking tih i type ang OR hemi link — https://retail.onlinesbi.com/retail/login.htm hi click rawh.

2. “Continue to login” click leh la.

3. Username leh Password chhut luhna tur option a lo awm ang; i online username leh password i chhu lut leh ang.

4. Login tih i click leh ang.

5. Tichuan, i account-ah i lut ta a. A chunglam bar-a “e-service” khi i click leh ang.

6. Vei lampangah i en thla leh ang a; “ATM Card service” option i click leh ang.

7. “ATM Pin Generation” tihah khian i click leh ang.

8. Chumi hnuah option pahnih – 1) Using one time password 2) Using profile password a lo awm leh ang a; One Time Passoword(OTP) hi I click chuan Mobile in-register-na number-ah OTP I dawng ang. SBI Online banking I apply-na mobile no. -ah OTP no I dawng ang. Entir nan: 563472

Note: Option 2- using profile password hmanga tih dan hi chu sawi lo rih ila.

9. One time Password( eg. 563472) chu i chhu lut leh ang.

10. I account-ah i click leh ang.

11. A lema mi ang hian, rawng hringa thai bial ang khian i ATM CARD no. option-ah i click leh keuh ang; hei hi i ATM No. leh i account inthlun zawmna tur chu a ni a. Mi pakhatin account pakhatah ATM dang kan apply theih avangin choose fimkhur a tha ang.

12. I PIN no. tura I duh number, digit li zinga digit hmasa pahnih tur, I chhu lut ang.

Note: PIN hi digit li (Eg, 1234, 3476, 5567, etc) a ni thin a; a digit hmasa pahnih tur chu i duh no. i thlang thei tihna a nih chu. Entirna: digit hmasa pahnih tura i duh no: 18 i chhu lut ang.

13. Hemi i chhut luh zawh hian i online banking in-register-na mobile no. -ah PIN no. tawp digit hnih i dawng ang. Entirna: 76

14. Last 2 digit i dawn leh a hmasa lama i pin no duh digit 2 i chhut luh chu i belhbawm ang a; i chhu lut leh ang. Entirna: I duh no: 18; i no. dawn: 76. Tichuan, i pin digit 4 tur chu: 1876 tihna a nih chu. Chu chu i chhu lut ang.

15. Tichuan, i ATM PIN thar chu i tifel ta a; ATM-ah kalin pawisa i draw chhuah hunah emaw, i account-a pawisa awm zat i check dawnah i Pin number thar – 1876 hi i hmang thei tawh ang.