HMAN TLAN THEIH-
MIZO |AWNG HMAN UAR
- Kamliana Lhouvum
Mizo tih
awmzia chu “ Tlang mi emaw, tlangrama cheng emaw ” ti i la, kan sawi sual tam pui
awm lo ve. Hmanlai kan pi leh put e hunlaiah kha chuan “ Mizo” tih \awngkam tak
hi a awm lo niin a hriat a; Mizo tih \awngkam lo pian chhuahna a la rei lo
tihna a nih ber chu.
Tunlaiah
hian Mizo ni-a inchhal duh lo leh Mizo |awng( Duhlian \awng) kan hman lai meka
hi ‘ Mizo |awng a ni lo, Mizo \awng chu heng- Hmar, Lusei, Lai, Mara, Thadou,
Vaiphei,Paite, adt. \awng te hi Mizo \awng vek an ni; Duhlian \awng chauh hi
Mizo \awng a ni bik kher lo” tia Mizoram official language pawh hmang duhdah
leh ngaihthah kan tam ta riau mai.
Kan hriat
\heuh angin Zohnahthlakte (Chhinlung chhuak) zingah hian Mizoram chauh hi
Zohnahthlakte’n ram kan neih chhun a ni
a; Amaherawhchu, Zohnahthlakte hian \awng hran \heuh kan nei hlawm a, Chibil
hnambil kan tam em avang leh kan awmna hmunte a lo hran tak hlawm avangin
Chin-Kuki-Mizo tih tein kan inkhai khawm kan ta a; Myanmar lama Zohnahthlak
chengte chu Chin tiin an invuah a, Mizoram pawn lam- Manipur, Nagaland,
Assam,Meghalaya, adt –a chengho hi Kuki tiin an invuah hrang leh a, Mizorama
chengte chu Mizo tiin. Mizorama cheng Zohnahthlakte hi Mizo tia hriat lar bik
kan ni a; Mizoram pawn lama awmte erawh an intimizo vak lo nit e pawhin a lang.
Tun hnuah
hian Mizorama cheng Zohnahthlakte zingah ngei pawh mahni hnambil \awng dah san
tum luat avang leh a population ang zawng pawha an lo tam deuh tak avanga Mizo
\awng hnualsuat tuma mahni hnambil \awng chawisan tum ta tlat pawh kan tam ta
hle mai. Inpumkhatna mit a\anga thlir phei chuan thil \ha lo tak niin a lang a
ni.
Mizoramah
kan cheng a nih chuan Mizo |awng ( Duhlian \awng ) hi kan state official language atan pawm tlan a
ni tih kan hriat thar a ngai. Chutihlai mek chuan, Manipur, Assam, Nagaland, etc te leh
Myanmar rama zohnahthlakte tan Duhlian
\awng hi an ram \awng a ni kher lo ang. Chuvangin, Mizo tih hian Mizoram
state-a chengte bak hi min huapzo tak tak lo. Mizorama cheng kan nih chuan
Duhlian \awng hi Mizorama zohnahthlak hnam hrang hrangte \awng hman tlan ber
leh thiam tlan berah kan nei mai tur a ni. Kan lo thiam \ha vak lo a nih pawhin
thiam ngei ngei kan tum tur a ni.
Zohnahthlak,
Mizorama chengte hi hnam hrang hrang, \awng hrang hrang hmangte kan nih nuk
hlawm avangin chi leh chi, hnam leh hnam inkarah pawh innghirnghona leh inhmuh
thiam lohna thleng palh thei venna atan pawh “ Mizo \awng” hi a pawimawh hle
mai. Kan zohnahthlakpui Manipur-a chengteho khuan a tam zawkin Kuki tiin
inchhal mah se, tam takin Kuki tia inkhai khawm chu an duh lo a, Thadou, Paite,
Hmar, Gangte, Zou, Vaiphei, etc tia inkhai khawm diat diat an duh zawk a;
anmahni hnam \awngin an \awng hrang \heuh bawk a, common language an nei ve
thei miah lo. Chumi avang chuan, an inkarah innghirnghona leh chibinga inlak
hran duhna thinlung a lo piang chhuak a, zohnahthlakte ngei ngei pawh an indo
phah reng bawk a ni.
Mizorama
chengte hi kan vannei a, \awng hman tlan theih “ common language” kan nei thei
ringawt pawh hi kan vanneihna tibelhchhahtu a ni kan ti thei awm e. Mi
\henkhatte’n Mizote chu Luseiho bik chauh ni anga an ngai leh Luseiho \awng
chauh hi engah nge Mizo \awng atan kan pawm bik ang? tiin ngaih dan an nei fo
\hin. Ngaihtuah chian pawh a \ul reng bawk a ni.Mizo \awng atana kan hman tlan
theih tura Duhlian \awng pawm a nihna chhan ni bera lang chu- Luseiho/ Sailoho
kha rorel thiam leh mi hui khawm thiam tak an ni a; tin, an \awng pawh
zohnahthlak tam zawkte pawhin an thiam tlan theih ber tura ngaih a nih vang a
ni.
Heti anga
\awng hman tlan theih kan neih avang hian Mizorama cheng zohnahthlakte inkarah
inkungkaihna \ha zawk a lo awm a, inunauna \ha zawk kan lo neih theih phah
bawk. A hnam ang zawnga hmalakna leh \anrualna kawngah pawh hnam dangte thik
tham khawpin kan insuihkhawm \ha ta reng bawk a ni.
Bible-in,
“ A lan dan angin ngaihtuah suh u” a lo ti a. Ni, a rampum huapa hmasawnna leh
inpumkhatna atan \awng hi a pawimawh hle tih hi ngun taka ngaihtuah chian a lo
ngai reng a ni. |awng hman tlan theih kan neih avanga zohnahthlak Mizorama
awmte kan inpumkhat a, kan inpawh theih phah a ni tih te hi kan theihnghilh
hauh loh a \ha bawk ang. Amaherawhchu, Mizo \awng( Duhlian \awng) chauh hi Mizo
\awng a ni lo tih erawh kan hriat chian a \ul. Heng- Thadou, Hmar, Vaiphei,
Paite, Lai, Mara, Gangte, etc \awngte pawh hi Mizo \awng/ Zofate \awng an ni
vek a ni. Heng kan han sawi tak zawng zawngte leh zohnahthlak hnam hrang
hrangte’n intluk tlang leh inpawh tlang taka min siamtu leh min awmtirtu chu
kan official language hi a ni a; chu chu Mizo \awng tia kan sawi \hin Duhlian
\awng hi a ni. Mizo \awng leh zohnahthlakte tawng ( Zo\awng) hi kan hriat fiah
a \ul tak meuh meuh.
Hawh u!
Kan ram \awng official language hi i zir \ha leh teh ang u khai! Mizo Grammar
leh Composition te pawh i ngai pawimawh thar ang u. |awng khat, ze thuhmun,
thlahtu hmun khat, chhulkhat chhuak, chhinlung chhuak kan nih kha maw! Mizorama
zofate mai ni loin khawvel hmun hrang hranga zohnahthlak awm zawng zawngte kan inpumkhat
theihna tur leh kan insuihkhawm leh theihna tur \ha ber chu- |awng khat (
official language) kan pawm tlan theihna
hi a ni ngei ang. chutihrual rualin, official language lote pawh zo\awng an ni
lo chuang lo; zohnahthlak \awng a ni vek a ni.
Insuihkhawm
zai i rel ang u!
0 Comments