CHAVÂNG KÚT

ZOHNAHTHLAKTE KÚT – CHAVÂNG KÚT

                                                                     Kamliana Lhouvum

Chavâng Kút hi Mizoramah chuan kan hre lâr vak lo mai thei a; Manipur, Nagaland, Assam leh State danga Zohnahthlak unau dangte festival pui ber ti i la, kan sawi sual tam àwm lo ve. Ka hriat sual loh chuan kum 5 vel kal ta a\ang khán Mizoramah pawh he kút hi Zohnahthlák \henkhatte’n  an hman \an ve tawh a ni.

Chavâng kút tih awmzia chu Mizo =awng chuan favâng kút /=hál-favâng kút ti te pawhin kan sawi thei ang chu; chavâng tih awmzia chu Autumn tihna a ni a, kût tih awmzia chu “Harvest” tihna a ni. A awmzia berah chuan: hmânlaiin kan pi leh pute kha lo neia eizawng an lo ni a,kum khat chhûnga an hnathawh rah duhawm tak chu hemi October thla tàwp lamah hi chuan an seng zo tawh \hin a; tunlai hunah chuan leilet neia buh kan chin tak avângin leh buh chi tam tak a lo awm tak hnuah hi chuan buh seng hun pawh a lo inrual ta lo mai thei. Chuti anga buh leh thlai an thar chhuah ang angte lawmna leh kum khat chhunga an hnathawhna kawng tinrenga malsàwmtu Pathian hnenah lawmthu sawina ni fàwmin intihhlimna hun an hmang \hin a ni.

Kum tinin Chavang kut hi November ni hmasa berah neih \hin a ni a; a lawmna pui ber chu 1st Bn. Manipur Rifles parade ground, Imphal, Manipur-ah  hman a ni \hin. A nihna takah chuan he kút hi ni hnih chhung hman \hin a ni a; 31^st  October leh  1^st  November –ahte hman an ni \hin. Amaherawhchu, a ni pui ni tak erawh chu November ni 1 hi a ni thung; a chhan ber pawh a ni hnih ni hian Miss Contest ropui tak an huaihawt \hin vang a ni ang kan ti thei ang chu.

Hman dan tlangpui:

Ni khatna (31^st  October ) : A ni khatna-ah hi chuan  a tlangpuii intihsiakna leh sports lam pangah hun hman a ni \hin a, hmun hran hran a\anga an chah khâwm zaithiamte leh sàwm bik mi pawimawhte’n zai leh lamin an àwi reng bawk. Tin, Kuki-Chin-Mizo (Zohnathlak) hnam hrang hrangte’n mahni hnam ze ráng pho chhuahna hun an nei \hin a, cultural dance, cultural sports leh fashion show ang chi te-in intihhlimna hun an hmang \hin. Tribe hrang hrangte’n anmahni hnam lam, hnam zia leh hnam zàite an pho lang hlawm \hin a ni.

Ni hnihna (1^st  November ) :  A ni hnihna-ah hian mipui ngaihhlut ber leh lawm ber “ Chavang kút miss contest” neih a ni \hin a; hemi ni atâna tel thei tur hian October thla tir lam atangin inthlitfìmna (Screening test) an lo nei hmasa \hin a, a tlângpuiin mi 500 chuang miss contestants a\angin mi 50 bàwr vêl chauh hemi chavâng kut ni-a miss contest nei thei tur hian an thlang chhuak \hin. Chuti anga thlan chhuah mi 50 bawrvelte chuan Chavang kut miss nih tumin an thiamna leh theihna an han chhuah \hin a ni a; an hmel \hat chu thuhran ni se, personality \ha tak neih a pawimawhzia a lang chiang hle a ni. Chavâng kút miss contest-a winner-te  hian  Lawmman atan Certificate mai bákah tangka faiin: winner Rs. 1,00,000, Runner-up Rs. 75,000 leh 2^nd  runner-up Rs. 50,000 an dawng \hin. zàn lamah  intihhlimna hun hlimawm tak an hmang chhunzawm leh \hin bawk a ni.

Hmun hrang hranga hman dan:

India ram state hrang hrang heng: Delhi, Mumbai, Bangalore,Kolkata, adt. leh Hmarchhak state hrang hrang heng: Assam, Nagaland, Meghalaya, Mizoram,Adt. –ahte pawh he ni hi hman \hin a ni a; a tlângpuiin Manipur tih lovah hi chuan ni khat, Novemeber ni 1, chauh hman a ni \hin. State pâwnah chuan a nuamin a hlimawm thei khawp mai. Zaithiam hmun hrang hranga mite chah chhuakin intihhlimna hun neih \hin a ni, tin, Zohnahthlak hnam hrang hrang organisation te: Kuki Student Association (KSO), Hmar Student Association(HSA), Mizo Student pawl hrang hrangte leh Zomi Organisation leh a dangte’n mahni hnam lam leh cultural dance chi hrang hrang pho chhuahna leh show-na hun an hmang \hin; Zohnahthlak hnam péng tesep hi an tam khawp mai, kan sawi séng kher lo vang.

Tin, India ram pâwn heng: US, Israel, Singapore, UK leh a dangahte pawh India ram chhunga mite ang thovin hman a ni \hin a; zohnahthlák pâwl hrang hrang, ze hrang hrang neite leh ngaih dan inang lo tak takte hi hemi ni-ah hian an inhmu khawm thei a, thil ropui tak a ni.Kan hriat \heuh angin Mizorama zohnahthlakte hi chu hnam hrang hrang awm khawm ni mah i la, “Mizo” tiin kan inkhâi khâwm thei mai a; mahse, Khu lam: Manipur leh Mizoram pawna zohnahthlákte khu Mizo tiin an inkhai khawm thei lo va; Kuki tih te, Chin tih te, Zomi tih tein an inkhâi khâwm nawk hlawm a ni. Hemi a  nih avang hian chi leh chi, hnam leh hnam inkârah inhmuh thiam lohna leh inhmêlmákna a thleng fo reng a ni. Chumi a nih avâng chuan, he Chavâng kút hi zohnahthlákte tipumkhattu pakhat a ni a; Mizoramah chuan kút hrang hrang : Chapchar kút, Mim kút leh Pawl kút te kan hman ho theih avângin mizoramah chuan chavâng kút hi chuti takin a pawimawh vak lo mai thei.

Aw le, Mizoramah kan awm a; kan sawi tak ang khân zohnahthlák hnam hrang hrangte chu “Mizo” tiin kan inkhâi khâwm thei mai a, hnam bilin kan inla hrang êm êm lo niin a lang a, a chhan pawh state kan nei miau va. Chutih lai reng chuan, kan zohnahthlakpui Mizorama awm ve lohote khu Mizo tiin an insuih khâwm thei miah lo a,tin, hnam bil, chi bila inlak hran ang chi hi a tam êm êm a ni. Chuti ang khawpa inngeih lohna leh inhuatna a awm avângin lehkhathiam leh mi fing tak tak awm mah sela, state leh ram an fight te pawh an hmu thei meuh lo;an inlungrual lo hlê tihna a nih chu. Political view chu dah \ha ta i la, chuti ang taka hnam inlungrual lo pawh, he chavâng kút ni-ah hi chuan lungrual takin an inkàwm hoin an lêng zà thei a, inpumkhatna thlentu atana thil pawimawh tak a ni. Zohnahthlák hnam hrang hrangte an lo inngeih a, unau an nihna ang taka inlungrual taka chêng hova hma lam an pan zêlna kawnga sûl sutu pawimawh tak a lo nih ngei theih nan kumin Chavâng kút lo awm tùr pawh hi tluang tak leh hlawhtling taka hmang turin duhsakna kan hlan a ni.

CHAVANG KUT CHIBAI!