UPC UP-TO-DATE
VERSION
Kamliana Lhouvum
Mi tam tak chuan UPC kan nih avang hian
danglam bik riau leh mi aia tha zawkah kan in ngai fo thin a.Mi thenkhat thung
chuan UPC hrim hrim hi kan chhuang mawl ve tawp a,UPC thurin(doctrine) leh
principle lam engmah ngaihtuah lem lovin.Mi thenkhat ve thungte erawh chuan UPC
nih hian mi zingah, khawtlangah leh society ah inlakhran riauna rilru kan pu
nghal pang mai bawk a.Mi engemawzat lahin UPC nih hian tlema huihphai deuh leh
mawl deuh,mithiamlo leh finglo deuh ho awmkhawmna angah kan ngai nghal bawk thin a.
Hetiang rilru hi natna chikhat angah a
ngaihtheih awm e.Mite aia hnuaihnung zawka inngaiha,hmasawn leh changkan tum
loh tawp hi chu a Pathianthu lo mah mah a ni.Bible paw’n hmasawn a, puitlin lam pan zel turin
min ti kha a ni si a..Mi zawng zawng nen inrem tum hram hram tur a ni bawk
a.Thian Hindu pa,Mosolman pa poh nei rawh sek sek i;tha taka kawm a inrempui
theih zel tum hi thiltha tak a ni.Amaherawhchu,midang sakhaw rinna va tawmpui
a,va inleh tur tihna a kawk chuanglo.Kan kohhran danpui(constitution) ah en ila,phek hmasa
ber,Memorundum-a Preamble a point 5-na ah khan heti hian a in ziak a,”Mi zawng
zawng tana inremna kawng zawn te,mihring dikna (Fundamental Rights) humhalh leh
sakhaw zalenna vawnhim tlat te, mihring nun pumpui changkanna tura thawh te,
thil siam humhalhte,mipui rilru leh ngaihtuahna tihchangkanna tura zirtir te”
tih kan hmu thei awm e.
Kohhran hruaitute
hi hruaitu zawng zawngah chuan hlawh nei tlem ber pawl kan ni awm e,voluntary
tak meuh meuhva hruaitu hna chelh kan ni thin.Chuvang chuan kan hruaitupui emaw
kan thawhpui pakhatin a hna alo tlin lo deuh emaw fel lohna a lo neih changa,’bang
rawh se’,’hruaitu chi a nilo’ tih tawngkam hman mai te hi a hruaitu mizia lo
khawp mai.Tunlai khawvel changkang tawh takah leh computer age mai nilo
Internet age ah hian hruaitute pawh I inchhut chiang fo thin ang u.Hruaitu tam
zawk hi chu kan in update tha viau tawh a,thenkhat up-to-date lo kan la awm
cheu mai hi a pawi thin!
Bialah emaw
tualchhungah emaw nihna kan neih avang ringawt te hian tuman min zah ngailo
a,kan mizia leh chetze tha(personality tha) leh kan nungchang thatna te avang
zawkin miin min zah thin a,chu veleh bial/tualchhung emaw a kan nihna(hruaitu
nihna) kha kan chawisang thin zawk a ni tih hria ila,kan hruaitu nihna ringawt
avang te hian kan lo in dahsang deuh thin em ni chu aw?? tih te i inchhut nawn
fo thin ang u#
Biakin inkhawm
laia vuina thu te,hruaitute emaw memberte emaw diklohna leh tlinlohna hrikthlak
zung zung te pawh hi a mawlthlak viau bawk.
Tuma’n inhmehbel lovin kan ze thalo
awmte paihthla ila,UPC changkang UP-TO-DATE nih i tum theuh ang u.He kan khualzinna khawvelah hian tumah mahni
chauha survive thei kan awm si lo a,in mamawh tawn theuh kan ni a ni lawm ni
khaa…??
KOLASIB
PENTECOST Thalaite,member 400 vel awrh
chauh te hi intivui tur kan ni reng reng lo a nia…Diakkawn presbyterian thalai
member te chauh pawh kan zat lo tih hria in,kan beram pakhat chauh pawh hi
Presbyterian beram 10 hlut tluk zetin a hlu a ni tih i hre thar leh ang u.
0 Comments