UNITED TAKIN AW!!

UNITED TAKIN AW!!

                                                                                                        Kamliana Lhouvum

Mizo i ni a,inkh>l en \hin i ni emaw ni lo emaw pawh nise Mizo nih hrim hrim chuan he thumal pakhat UNITED tih hi i hre tawh ng>i ng>i ang le?. A ni taka, UNITED  lamr$k rual hian mitthlaah Old Trafford ,Manchester v>l i mitthla ruai ruai thei ngei ang.

            Ni e,chutiang ngaihtuahna i lo nei a nih paw’n ka thiam lo hran lo che.Mahse kei chuan khami UNITED lo z^wk UNITED Pentecostal Church tih a, UNITED hi a lawm ka lo ngaihtuah mek chu ni.Manchester United fans ni reng chung si a Pentecostal UNITED z^wk ka ngaihtuah hi mak ti duh suh!!Achhan chu maw United Pentecostal Church pawh ka ni ve tho a.UNITED  tih ringawt pawh hi a mawi a,a tawk tawh vaih nen PENTECOSTAL  kan la ni leh ta zel a,a va han nuam dangdai thuahhnih em!

            Ka Unau duhtakte u,Pentecostal awmzia leh lo indinchhoh dan te chu kan hre vek tawh in a rinawm a, tunah chuan sawinawn leh kher tawh lo mai ang aw.Ka sawi duh ber zawk leh min lo hriatpuia min lo pawmpui ngei ngei tur,he thu i chhiar zawh meuh chuan lu bu nghauh nghauh leh nuisang chunga “ UNITED “ ti a ka rilru ang pumi ilo nih theih dan tur ka hrilh ru ang che aw!

            Ka thian, UPC kan lo ni kher kher hi chu a chang hi chuan rilru a hnual tep thin tiraw? Miten min hmusitna a nasa si, min deuhsawh leh min huatrawn dan te ngaihtuah chuan i thin a rim ve lek lek thin in ka ring.Ni e, a pawilo tiraw ka thian, min hmusit awm reng kan lo ni ve bawk a ni.Mahse keimah ang tho in i hlimru ve thin tho mai tih ka hria,i lawm leh lawi si thin. Ele, Thuthlungfa nih a,Pathian nung,Pathian Pakhat,Rinna hmunkhat,Baptisma hmunkhat,Thlarau Pakhat neitu leh betu kan ni tlat a lawm.Vanrama a hmun lailumlai chang turte leh Pathian angchhunga cheng turte zingah pawh Lalpa kan Pathian YAHWEH  ngeiin ka “thlanbikte” a tih turte zinga mi kan ni dawn tih hriatna i neih tel phei chuan Pentecostal nih hi a van lo nuam si em!

            Mahse ka thian,Pentecostal ni chung si hian UNITED rilru hi kan lo pulo ve thei reng chu lo niin.Engtin maw?? tiin min zawt let vat mai thei,tihian kan hrilh ang che. Pentecostal te kan mawina leh kan hlutbik em em na chu “ Hnamtin chitinten tawng chi hrang hrang hmanga,kan Pathian ropui kan aw neih chhun leh kan theih ang tawk a kan fak tlang thin hi a ni” Keini Pentecostal inti te zingah pawh thenkhatten  Krista a kan unaupui, Mizo Tawng (Duhlian) hmang thiam lo te kan hmusit a,kan hmu Burma,foreign tlat thin te leh Inkhawmpuina velah te Duhlian tawng nilo a tawngtai leh thusawi kan lo awm nih chuan eng anga Pathian thusawi thiamleh tha pawh nise ngai sang duh miahlo,ei duh miah lo leh hmusit ru tlat kan la awm thin hian UNITED kan nihna hi a tichhe lek lek thin asin! Khawngaihin i lo hmusit thin a nih chuan sim nghal vat ang che.

            Pentecostal te hi Mizoram chhung atan chauh kan ni lo a,tin,Lal Isua Chanchintha hi Mizoram chhunga mizo tawng hmangte tan chauh a siam leh chah a ni lo a, ram zawng zawnga  hnam zawng zawngte hnena puang darh zawk tur kan ni a.Khawvel hnam hrang hrangte zingah Mizo tawng hrelo hi kan tam dawn hle tih a hriat a,Chuvangchuan UPC  hi mizo tawng hmangte tan chauh a siam emaw hnamdang ten min tih loh nan leh hnamdang chu sawi loh Manipur,Nagaland,Assam,Mizoram etc  leh North-East a Zo hnahthlakte duhlian tawng thiam silote hian UPC chu mizoram ah chiah an lian a, mizo tawng bak an hmang duh lo min tih loh nan kan rilru te tizau ila,Kan zo hnahthlak unau dang tawngte hi ngaihhlutsak ila, Tichuan ramdang State dangah pawh nasa takin Pentecostal huang hi kan zauh ngei ang.

            Kan hma lawkah Bial P.Y.D. Khawmpui kan thleng leh mai dawn ta.Thil chiangsa reng chu, Kolasib Bial hi Bial zau tak kan ni a,tualchhung hrang hrang 13 vel lai kan nia,mi chitin hnam hrang hrang leh tawng hrang hmangte pawh kan ni nuk  hlawm mai thei.India hnam pa Mahatma Gandhi chuan India rama cheng hnam hrang hrangte hi Pangpar huana pangpar chi hrang hrang awmkhawm,ch<ng an p^r in anglo theuh ten pangpar huan an timawi ang hian alo tehkhin tawh a, Keini Pentecostal te pawh hi hnam hrang hrang,ze hrang hrang nei kan ni a,heng kan ze hrang hrang leh tawng hrang hrang hmanga Lal Isua kan chawimawi hi Pentecostal te UNITED na lai tak chu a ni si a.Lalpa mit ah kan mawi em em dawn a ni tih I hre thar ang u.

            Mi naran hriatthiam phak loh Tawnghriatloh nei leh dawngte kan ngaisang thei a nih si chuan kan unaupui, tlema tawng dang deuhte,keimahni tana Khawvel lama kan tawnghriatloh nisi te pawh hi i ngaihlu thiam hram hram  ang u. Chu chu Pentecostal te Lalpa’n min hmuh UNITED na a ni si a.Tichuan, ringlo mite leh Kohhran dangte pawn Pentecostal te chu in va UNITED em! min ti ve tawh ngei ang tih ka beisei tlat a ni.

            Tun Bial P.Y.D khawmpui ah pawh UNITED takin Pentecostal rilru pu chungin Lalpa ropui nan I penchhuak leh sauh sauh ang u. Kan ropuina ni tur chu a ni t>l mai hian a  hnai telh telh si a.