KA NUPUI DUHZAWNG!

Kamliana Lhouvum

Khawnge tun tum chu duhthu han sam lawk teh ang!mahse duhthusam naran nilo a tak tak tur chi tho a nia!!!Bible ah nupui hmu chuan thiltha ahmu a ni alo ti a,rau viau in lang lo mahsela thiltha chu ani ve hrim hrim phot mai a.Chuvang chuan kan topic “ka nupui duhzawng” tih hi thiltha chu a ni tiin biblically in kan prove ta phawt mai a ni.

A tlangpuiin a hminga Science leh Engineering lam zir kan lo nih ve nalaiah,literature lamah kan lo sang vak lo a ni mai thei a.literally tih ai chuan scientifically emaw technically ti a a point a lut nghal chat thin kan lo nih ve na laiah thuhma nei thui vak lovin a point ah lut nghal chat mai ang aw!!

1.Tawng tlem leh mize zawi zawi lam pang deuh hi an ngainatawm a,hmeichhe tawng tam leh tawng zuah zuah reng reng te hi thian a tan chuan an tha viau a,nupui atan chuan an sitawm deuh thin a.(business lamah leh ba thingtu atan chuan an hmantlak viau mai thei a).

2.Ka nupui tur chu hmeichhia anihna angin a nu hnap tur a ni a,a nu tih vanga bum awlsam leh rilru ziktluak lo an nei tur tihna erawh a ni lo,awmnem zawk a nihna angin a cool tur a ni a amaherawhchu chhungrila tak deuh a ni tur a ni.

3.Tlereuh leh incheina ngaisang lutuk mi a ni tur a ni lo va,thuthlung Kohhran nula tan phei chuan a inhmeh lo hulhual a ni.

4.Zuk leh hmuam heng kuhva,sahdah,tuibur,etc an ti tur a ni lo va,ruihtheihthilte lek phei chu NO hi a ni ringawt.

5.Inkhawm ngaina mi a ni tur a ni.inkhawm ngaina mi reng reng chu a tlangpuiin chhungkaw fel

pangngai tak an ni thin.Kristianna nen pawh a inhmeh a ni.

6.Lehkhathiam sang tak leh sawrkar hnathawk officer ni kher lo mahse chhungkua a fate zirna lama enkawl puitling thei turin alo berah graduate tal a ni tur a ni.

7.Inchhung khawsak relfel thiam leh nu leh pate zahthiam tak a ni ngei ngei tur a ni.

8.Kohhhran chungchangah hi chuan a khum var chin,fel tak leh duhthusam ang an awm a nih tho si chuan,duhthusam a ni.

9.Nu tawi lam ai chuan sang lam pang deuh ft 5.2 above ni se duhthusam a nia.vun ngo lampang ni ngei bawk se!

10.Ka nupui tur chuan Korean serial emaw vai serial emaw a ngaina tur a ni lo hrim hrim a.mahse inkhel tui mi kan nihna laiah a chang changin inkhel tuivak lo poh nise min enpui peih se.

Zaithiam TBC a meuh pawn “Ami iang ve tana chuanin lungdumtu ka tawng che ,mahse kumtluang run rempuia’n ka tling ka ring ngam lo.Ka tan Lalpan a ruat che chuan ka hnial phal lul lo’nge” a lo ti kur nghial mai a.Ania sin!duhthu te zawng han sam thin ve bawk mah ila,Lalpan a ruat loh leh remtih loh a nih chuan a hlawhtling thei tak tak chuang lo va,phurrit leh nun ti hrehawmtu mai an ni thin.Hei vang hi a ni tave ang zaithiam Sailova paw’n “Thangthar,hei hi hria la Krista tello hmangaih partlan hlimtluan an awm lo ve” a lo ti a.Krista tel lo va ngaihzawng/nupui pasal zawng hi engzah taka wm ang I maw??nupui pasal ngaihzawng chungchangah Pathian rawn hmasa thin mi engzah tak awm ang I maw?? A ni tak meuh mai,hei hi chu I hmaih lovang u,theihnghilh chi ni bawk hek suh!Pathian chu thil awmlo awmtir theitu leh awm sa tibo theitu a ni a.kan neihloh min pe theitu leh kan neihsa min laksak theitu a ni bawk.

Hetiang zawng zawng ka ngaihtuah hian ka nupui duhzawng point 10 te khi Pathian tello chuan engmahlo mai a ni dawn a,a thlawn mai a lo ni dawn tih ka hre fiah ta uar uar mai.Tin,he hla bawk hi ka rilru ah a lo lang leh ta a:-

“A ram leh a felna zawng hmasa ula engkim a pe ang che”

Lalpan malsawm rawh se!