MIMAWL I NIH LOH KHA??
-by
Kamliana Lhouvum
PIANNI:Khawvel eng kan hmuh ve
ni,kan pianni,ah keimahni chauh emaw piang nia kan inngaih lai hian midang
piang pawh an lo awm ve zel mai a!!.
HMEL/PIANZIA:Min hringtu nu leh pa
tan hmeltha ber kan nih lai leh hmeltha kan intih ve em em lai reng hian
keimahni aia tha zawk leh pian nalh zawk an khat fur mai bawk a!.
ZIRNA:Zirsang leh thiam ni a kan
inhriata DISTINCTION emaw LETTER MARK kan hmuh teuh teuh laiin subject tin deuh
thaw ah mark 97,98,99,100 hmu thei te an lo khat leh nulh bawk a(vaithluak).
HNA/EIZAWNNA:Hna tha tak leh
hlawhsang tak nei nia kan inngaihlai mekin keimahni aia hlawh nei sang leh hnasang
chelh tam tak chhiar tham zet an lo intlar leh nuk hlawm bawk a.Chung ho te poh
chuan an hna duhtawk/tha tawk ti ta mai lo chuan hnasang zawk hlawhtam zawk
beisei reng chungin an nuar emaw an lungawilo reng mai bawk a!.
NGAIHZAWNG/NUPUI-PASAL:Kan
ngaihzawng/nupui-pasal te tha ber leh hmangaih ber nia kan inhriat reng laiin
keimahni aia inhmangaih nasa zawk tih hriat ngawih ngawih tuak tam tak an lo
awm ve leh a.Khawvelah kan ngaihzawng/nupui pasal a hmeltha ber nia kan hriat
reng laiin khawvel zau zawk han thlir leh ta ila,kan nupui/pasal ngaihzawng
hmeltha/tha ber nia kan lo sawi chamchi te min ti zak thei rum rum khawpa
midang nupui pasal/ngaihzawng tha tak tak,hmeltha fe fe khawvel hmuntinah an lo
phu suau suau leh mai bawk a???.
KOHHRANAH:Kohhranah han tui
viauvin han inhmang ve tho thin mahila,keimahni aia taima,rau zawk hlimsang
zawkte tam tak anlo awm leh nuk hlawm a.Khawvel thila kan hmuh hniam ngawih
ngawih leh achang pawha keimahni aimaha chan chhe ve ngawih ngawih leh zahawmlo
ngawih ngawih zawkte Pathian thuah chuan “SIR”/”MA’AM” title vuahsak thei khawp
hiala zah der a,an thu awih ngai leh an thuhnuaia kun a ngaihchang lah bang hek
suh!.
SOCIETY/POLITICS:Khawtlangah leh
politics ah han zuang lut leh ila,keimahni aia degree nei chhe zawk,thiamna
finna zirna lama min PU ngawih ngawih thei tura kan ngaihte kan chungah an lo
in luling leh a.Thiamna leh finna nei sang,rem hre zawk leh hlawh pawh nei tha
zawk tur te;anmahni aia hniam zawk leh
mawl zawk ten an kaihruai leh thin,tih te ka hmu leh ta zel a!!!(Hmmmmm…)
Awle…Ka sawi tum ber zawk chu e;hei
hi a nia! Khawvelah hlimna leh lawmna famkim hmu tur leh dawng tura bei kan ni
miau lova..kan tum ber chu VARRAM KAI a ni sia..chumi vanram kai thei tur
chuan LALPAN hmundang min lo siamsak lova,kan trainning na hmun chu LEI(earth)
chauh hi a lo ni a,chuvang chuan he LEI a kan nun hmanthat dan a zirin VANRAM
kai leh kai loh chu THUNEITU PATHIAN(JUDGE) in min judge tawh dawn sia.Thiamloh
chang bik nih ava hlauhawm dawn em!!!!!.Chuvang chuan VANRAM KAI LOH hlau em em
ang che aw!!!...
Amaherawhchu fimkhur hle rawh!!”Mi ngaiha kawng dik ni awm taka lang a tawp
chu thihna kawng ni si a awm”-(THUFINGTE 14:12).I DAMLAI LEH HE PIALLEI
THIMA I RUANG ZALH ANIH HMA NGEI HIAN VANRAM KAINA TUR KAWNG CHU ZAWNG RAWH ! NGAIHTUAH RAWH! THAWK TAN RAWH!
KA UNAU.................MIMAWL
I NIH LOH KHA!!!...........TIRAW??????
0 Comments