KA NUPUI DUHZAWNG PART -2

Ka nupui duhzawng part -2

Kamliana Lhouvum

Ka nupui duhzawng part -1 kha kan hre tawh a,tunah chuan part -2 lamah kai thung ang aw!

“ Ami iang ve tan a chuanin lungdumtu ka tawng che! Mahse ka thlen Lalpa hnenah ka kawng min hrilh turin..ka tan Lalpan a ruat che chuan ka hnial phal lul lo’ng e “

Khawvelah hian mihringte hian hun pawimawh deuh deuh 3 kan nei a,Pakhatna ah chuan PIANNI a ni thei awm e, a pahnihna ah chuan NUPUI/PASAL INNEIHNI  a ni leh anga a pathumna ah chuan thihni a ni kan tithei awm e.Chung zingah Nupui pasal inneih chungchang hi kan thlungbing deuh dawn a nih chu!

Ka nupui duhzawng Part -1 ah khan Ka nupui tur chu engtiang mi nge,engtiang rilru pu nge,eng ang hmelpu nge tih zawng zawng kan lepse tawh a.Part-2 na ah chuan tlemin hma kan sawn hret anga,innei thei turin enge ka beisei tih te kan chhut leh ang.

Nupui pasal inneih hi thil awlsam deuh mai mithenkhat tan chuan buhfai no 1 thlak belh a ni mai a.Tin, a thente tan phei chuan tlema tithei deuh leh mihausa deuh tan phei chuan duh duh thin theih tluk a awlsam leh nuam  a ni thung a ni.. Upa thufing chuan hmeichhia chu bumna ngaiah vawithum a bum theih te an lo ti hial a,tlema zei deuh leh hmeichhe misa deuh chuan nupui tur nula bem mai mai te chu an hnehsawh viau mai thei a ni.

Ani taka,an tia lawm! Hmeichhiate hi chuan care an ngai a,inngaihzawnlai chuan hmeichhe tam zawkte hi chuan Mipa dinhmun ,status,nihna te hi an en vak ngailo..tlem hmelfang lo tawih deuh leh ngaihnobei deuh ni ila,hmeichhia hi chu care em em phawt ila,bemthluk theihloh tak tak an awmlo an lo ti fo thin.hihihi..

An sawi thin a,adik thei viau mai..Hmeichhia te hi mi khawngaihthlak deuh mai an nia.Hmanlai kan pi leh pute phei chuan an fanu ten pasal an neih dawn te hian midang chhungkaw ina khawsa tur an nih tawh avangin hmeichhe tan In lam rawn ngaihsak vak vak kha thil mawilo leh zahthlakah an ngai a,chumi anih avangin an fanute thlahna hun chu ropui takin an hmang thin a.Nula fel deuh nu leh pa thuawih,in vawngfel leh khawtlangin an chhuanvawr ang chi nula te phei hi chuan inneihni a an inthlahna hun hi nu leh pa tan mittui surna hun pawh a nih ngei a beiseiawm..Nu leh Pa tan  rila rah fate baka care tur leh ngaih tur an awm thei dawn em ni?? .. Chuvang chuan a ropui thei ang berin an lo inthlah thin reng a ni,inchhung atanga chhuaka chhungkaw dang dinpui tur kawppui a hmu tawh tlat alawm tiraw!!!!

Tunlai Kristiante pawn fanu fel leh hmeltha,fanu duat em em te chu ropui takin an thlah thin a.A chhan pawh an fanu te chu midang chhungkhaw inah missionary hna thawk turin a chhuak dawn tawh si a an ti thin..A ni taka nula fel vak lo leh tha vaklo te pawh an nu leh pa leh chhungte chuan ropui takin an thlah tho mai..A chhan pawh lo haw leh tawhlo tura an  dah tawh vang a ni ngei ang. “ Inneihna chu chawimawiin awm rawh se “ Bible ah ngei pawh kan hmu a ni..

Amaherawhchu Tunlaiah chuan thil mawi leh mawilo te,awm leh awm lo te kan ngaihtuah ta meuh lo mai.. Hmeichhia, Pasal sun vang emaw inthen vang emaw pawh nilem lo a mahni kawmchhak kawmthlangte in ang mai a mahni lo chhuahna chhungte inlampang bel reng leh ninawm khawpa tlanhaw reng te kan tam ta lutuk a.Inneih te hi kan awlsam em em tawh a,Hetiang anih chuan inneih ni a ropui taka mo inthlahte khan engnge awmzia an neih tak le?? Nge nuleh pa te pawn  an fanu te chu reilo te ah lo kir leh mai turin an beisei reng zawk nge ??

Hmeichhe fing aiin hmeichhe fel hi an duhawm zawk fo thin a,hmeichhe hmeltha deuh ai chuan hmeichhe nungchang mawi hi an ngainatawm zawk fo thin bawk..Hmeichhe fel chuan an luhna Pasalte chhungkua a siamtha thin a,chhungkaw zahawmtakah a siam thin zawk a.Tin, hmeichhe felleh fing chuan  Nu hi chhungkaw darthlalang an ni tih hi a hrechiang thin..Engkimah  a nu leh pa te a zahthiam bakah chhungkaw nu nih a tlin tur a ni abik takin fa te enkawlna chungchangah..

Ka nupui duhzawng chu hetiang mi hi an ni leh a.hmeichhe huaisen leh tuarchhel leh dawhthei tak,harsatna leh buaina chhungkuaah lo thlen pawh a hawikir tum mai lo a tang fan fan a a tawp thlenga tuarchhuak thei mi an ni ngei tur a ni.. Bible paw’n  “Atawp thlengin lo awm rawh chutichuan Nunna Lallukhum ka pe ang che!” alo ti a ni.

Ka sawi duh tak zawk ka sawi hmaih dawn alawm mawle aw!!  Khawvel nupui pasal lampang hi chu Pathian kutah a awm a. “ A ram leh a felna zawng hmasa ula,engkim ape ang che “ tih a nih kha.Chuvangchuan Lalpa nupui tur,mo turte kan ni a.Lal Isua hian engtin nge a nupui duhzawng Part-1 leh  Part-2 te a ziah ve ang?? Keini duhthu lo samte hi chu nepte a ni a, Vanram lutthei tur hian Lalpa tana nupui tuarchhel tak,dawhthei tak kan ni thei ngei a ngem le?? Chute nilova harsatnate buaina leh inremlohna,inhriatthiamlohna Kohhran chhungah alo thlena kan pasal Isua then thei zel mai kan ni zawk dawn?? Nge kan zemawi neih chhun dawhtheina leh inngaihtlawmna in kan Pasal kan dawr zawk dawn???..

Kohhran hi Lalpa Taksa te kan ni a,Lalpa Nupui huallawk kan ni bawk a ni.Nupui huallawk kan nih miau avangin kan innei ngei ngei ang tih tuman kan sawi thei lo a ni.Athuthlung min pek te kan zawm loh a,kan tih hlawhtlin loh a.Lalpa taksa thanlen zel nana thathawhtu leh ngaihtuahna sengtu kan nih loh chuan Lalpa nen kan inhualna hi a nghet lo thei mai ang em??

“ Vanram panin kan kal laiin chhumte alo zing thin a,mahse kan kal pelh hun chuanin thim leh thawpik a kiang ang “ Krista zara ka unau duhtakte u! Lalpa nupui huallawk nisi hian kan Pasal tur hian min then leh daih si ang a,midang min neih khalh mai dah ange..a tana kan lo rinawm ve na ta,tha kan lo thawhnate leh sum leh pai kan lo sen ve n ate a lo thlawnin a chang mai ang tih a va hlauhawm tak em! Nupui Pasal inhuallawk innei ngei ngei tura rinkai tawh hnua innei leh ta lo te rilru nat turzia leh khawvel hringnun awmzia awm twh lo turzia pawh he lei hringnun a nupui pasal inhuallawkna ah ngei pawh kan hriat si chuan kan thihhnua kan Pasal leh zelin min then tur hi chu ka ngaingam lul lo ve!

 “Tuna tuarnate hi nakina ropuina lo la lang tur nen chuan tehkhin thamah ka ruat si lo “. Lalpa tan rinawm takin thihthlengin rinawm takin awm ila,A  nupui hual lawk kan nihna hre rengin a thuthlung nghet taka vuantu kan nihna chauh duhtawk lovin midangte hnena puangdarh tu nih I tum theuh ang u.Chu chu Lalpan ka NUPUI DUHZAWNG a tih chu a ni si a.. Amen!!!